香港新浪網 MySinaBlog 精選話題工具
« 上一篇 | 下一篇 »
小星星 | 8th Sep 2010 | 護膚美容篇 | (753 Reads)

好啦, 今次我同大家分享嘅係位於中環都爹利街嘅「沐蘭」。呢間係一間 Spa 來嘅, 我就去咗做 Facial (面部護理) 同埋 Body massage (全身按摩)

Picture

一入到去, 你就會覺得燈光比較柔和, , 呢張相就同現實一樣, 唯一唔同就係個reception desk後面多咗幾個着住黑色衫褲嘅 staffs 喺度, 大致上佢哋都幾好笑容同埋禮貌。呢度係會接待男賓同女賓嘅, 不過放心, 係分開喺唔同嘅區域架。

當然梗係換衫先啦,佢哋嘅更衣室真係幾大, 又清潔, 唔錯呀。比起 reception, 呢度就光好多啦。你哋見唔見到一格格嘅櫃呢, 呢啲就係Locker比你放低私人物件同埋掛好啲衫嘅, 係用密碼鍞, 咁就唔使咁煩要攞住條鍞匙周圍走又驚唔見咗啦~ 件浴衣已經一早準備好在個 Lock 裡面, 而且仲有用完即棄嘅內褲﹑同埋拖鞋。 呢度有間房仔, 如果你怕羞,可以入去換嘅。

Picture

好啦, 望吓更衣室另一面, 就係洗手間﹑沖涼間同埋盡頭會有一間 Sauna 房。所有設備都好齊全嘅, 你可以放心。

Picture

呵呵….係咪覺得好奇怪呢, 點解有杯嘢飲同埋幾粒薑糖呢? 其實當你換完衫出來, 你會見到更衣室近門口位置有張化妝枱, 上面已經有杯飲品放喺度, 旁邊會有張咭寫咗你個名比你知邊杯係你嘅。至於你做完晒所有treatment, 沖完涼要走嘅時候, 佢哋又會有杯嘢飲同埋幾粒薑糖放喺度比你, 啲薑糖仲味道唔錯架~

Picture

換好晒衫, 就會去到另一個地方等佢哋啲職員接你, 放心, 通常都唔使等嘅, 只係間唔中要等幾分鐘啫。呢度就係等嘅地方。Picture

我會做 body massage 先嘅, 職員帶我去到專門做 body massage 嘅房間, 因為做 facial 同做 body massage 嘅房間係唔同架。其實呢度真係幾大, 周圍都係房間….終於到我間房啦, 唔錯架, 都幾大架, 係獨立房間來嘅。喺柔和嘅燈光之下, 又有輕鬆嘅音樂, 仲有按摩員嘅一流手勢, 只可以用一個字來形容, 「正」呀!

做完之後個人鬆晒, 當然就係去扮靚靚做 facial , 跟住職員就帶咗我去另一個房間。其實呢度做 facial 2種房間, 一種就係好似做 body massage 嘅房間咁, 只係張床唔同; 另一種就係可以比兩個人一齊用, 不過間房超大!! (其實我兩間房我都試過, 第一次去就係獨立房, 第二次就係雙人房, 不過都係得我一個人喺裡面做 facial 嘅。) 佢哋用嘅護膚品品牌係 Swiss Line, (唔係卓悅嗰隻呀, 呢隻正好多貴啲架!) 護膚品嘅質素梗係高啦, 至於舒適度方面, 張床好大囉, 而且做 facial 都好睇個職員嘅手勢嘅, 普通啦。

Picture

好啦, 我覺得環境真係唔錯, 夠舒適清潔, 啲員工都幾有禮貌, 係一個好嘅選擇。至於價錢方面, 係屬於中上至高嘅。不過第一次去會有折, 你可以試吓嘅, 有時佢哋亦有啲promotion, 大家可以留意吓。去之前, 打電話去問吓同埋book 位啦。